"Uch qahramon" filmining Shoxrux ijrosidagi saundtreki taqdim etildi

E’lon qilingan sana: · 236
"Uch qahramon" filmining Shoxrux ijrosidagi saundtreki taqdim etildi

13-noyabr kuni hali premyera qilinmagan "Uch qahramon" filmining rasmiy saundtreki taqdim etildi. Klip Jamoat xavfsizligi departamenti YouTube sahifasiga joylandi. 

Saundtrekka ishlangan klipda filmdan lavhalar va Shoxruxning ijrosi namoyish etilgan. Klip rejissyori marhum Jasur Shametov hisoblanadi. Uning toʻligʻini quyida tomosha qilishingiz mumkin. 

Ma'lumot uchun, "Uch qahramon" jangari filmida bosh rollarni o‘zbekistonlik taniqli aktyor Ulug‘bek Qodirovdan tashqari Shohrux Hamdamov va Sirojiddin Sattorov, shuningdek, qozog‘istonlik aktyor Tauekel Musilim ijro etgan. Unda jinoyatchilikka qarshi kurashda birdamlik, mardlik, jasorat va qat’iyat ila o‘z xizmat vazifalarini o‘tayotgan bir qancha Ichki ishlar xodimlari faoliyati haqida so‘z boradi.

Film premyerasi 1-dekabrga moʻljallangan. 

 

"Uch qahramon" filmi qachon premyera qilinishi ma'lum boʻldi 

Kinematografiya agentligi hamda Jamoat xavfsizligi departamenti hamkorligida suratga olingan "Uch qahramon" filmi 1-dekabr kuni premyera qilinadi. Bu haqda kinokartina rejissyori filmga bagʻishlangan press-konferensiyada xabar berdi.