2024-yilning eng yuqori daromad keltirgan filmlari e’lon qilindi
2024-yilda premyera qilingan va eng yuqori daromad keltirgan filmlar ro‘yxati e’lon qilindi. Bu haqda “Total Film” xabar berdi.
Qayd etilishicha, tarixda ilk bor eng koʻp pul ishlagan 10 ta filmning barchasi sikvellar boʻlgan. Jumladan, birinchi oʻrinni 1,698 milliard dollar bilan “Boshqotirma 2”, ikkinchi oʻrinni 1,337 millard dollar toʻplagan holda “Dedpul va Rossomoxa”, uchinchi pogʻonani esa 967 million dollar daromad bilan “Yaxshi boʻlish osonmi 4” kinokartinalari egallagan.
Bundan tashqari, oʻnlikdan “Dyuna 2” (712 million dollar), “Godzilla va Kong” (571,7 million dollar), “Kung Fu Panda 4” (500 million dollar) “Bitljus Bitljus” (451 million dollar), “Venom: Soʻnggi raqs” (435 million dollar), “Yomon yigitlar 4” (404,4 million dollar) va “Maymunlar sayyorasi: Yangi qirollik” (397 million dollar) kinokartinalari ham oʻrin oldi.
Ma’lumotlarga koʻra, yil oxirigacha reytinga “Yovuz: G‘arb jodugari haqida ertak” musiqiy filmi ham kirishi mumkin. Kinokartina shu haftada premyera qilindi va hozirgacha 164 million dollar daromad koʻrdi.
Tanqidlar ostida qolgan yana bir kinokomiks: "Venom: soʻnggi raqs" filmiga taqriz
24-oktyabr kuni Oʻzbekiston kinoteatrlarida "Venom: soʻnggi raqs" filmining premyerasi boʻlib oʻtdi. Kinokartina muxlislar va tanqidchilarning turli xildagi fikrlariga sabab boʻldi. Afisha.uz muharriri ham ushbu filmni tomosha qildi va quyida oʻz fikrlari bilan boʻlishadi. Ehtiyot boʻling, spoylerlar bor.
Professional targʻibot va vizual evolyutsiya: "Dyuna. Ikkinchi qism" filmiga taqriz
Rejissyor Deni Vilnyovning ilmiy-fantastik blokbasteri boʻlgan “Dyuna” filmining ikkinchi qismi 1-mart kuni premyera qilindi. IMAX kinoteatrlarida koʻrish uchun ishlangan film aynan Oʻzbekistonda ilk bor ochilgan IMAX kinoteatrlarida premyera qilindi. Shu orqali vizual evolyutsiya deya qaralayotgan filmdan oʻzbekistonliklar ham toʻliq bahramand boʻlish imkoniga ega boʻldi.
"Ichki xotirjamlik": Oʻzbek tilida premyera qilingan "Panda 4" multfilmiga taqriz
Oʻzbekistonda “Kung-fu Panda 4” multfilmi oʻzbek tilida premyera qilindi. Bu kinoteatrlarda rasmiy ravishda namoyish etilgan ilk animatsion film boʻldi. Albatta, bunday tarixiy voqeani e’tiborsiz qoldirish mumkin emas. Quyida dunyoga mashhur franshizaning navbatdagi qismi haqida gaplashamiz.