NASA Space Apps Challenge 2024 kosmik xakatoni

Turin Politexnika universitetida “NASA Space Apps Challenge 2024” kosmik xakatoni boʻlib oʻtadi.

“NASA Space Apps Challenge” dunyodagi eng yirik xakaton boʻlib, unda ishtirokchilarning gʻoyalari NASA tomonidan taqdim etilgan haqiqiy kosmik maʼlumotlardan foydalangan holda dunyoni oʻzgartirishi mumkin:

• Butun dunyodan 180 000+ ishtirokchilar;
• 160 dan ortiq mamlakat kosmik muammolarni hal qilish uchun birlashadi;
• yechimini kutayotgan 22 ta global muammo;

2023-yil yakunlariga ko‘ra, O‘zbekistonning uchta jamoasi top 10% ga, 1 tasi esa kuchli 1% likdan joy olgandi:

• Typhoon: sun’iy yo‘ldosh ma’lumotlari asosida o‘rmon yong‘inlarini bashorat qilish uchun dasturiy ta’minot yaratildi;
• WYEDUST: geomagnit bo‘ronlarni bashorat qilish uchun neyron tarmoq ishlab chiqildi;
• PhD’s: Oydagi zilzilalar xaritasini vizualizatsiya qilish usulini ishlab chiqdik.

Nega aynan ushbu xakatonda ishtirok etish kerak:

• haqiqiy NASA ma’lumotlari bilan ishlash imkoniyati;
• O‘zbekistonning eng aqlli yoshlari bilan netvorking;
• global tan olinish imkoniyati;
• global muammolarni hal qilish imkoniyati;
• kelajak uchun bebaho tajriba.

Dizayner, olim, storitellerlar va kreativ fikrlovchilar ishtirok etishi mumkin.

Ishtirok etish bepul.

Ushbu havola orqali oldindan roʻyxatdan oʻtish talab qilinadi.