WikiStipendiya jamoaviy marafonining III tur bosqichi boshlandi

16-sentyabrdan 16-oktyabrgacha davom etadigan WikiStipendiya jamoaviy marafonining III tur bosqichiga qabul ochildi. Bu haqda Yoshlar ishlari agentligi xabar berdi.

Qayd etilishicha, Telegram-bot orqali 5 kishidan iborat bo‘lgan jamoani ro‘yxatdan oʻtkazish hamda marafonda ishtirokni boshlash mumkin. Ushbu havola orqali roʻyxatdan oʻtiladi.

Nizomga koʻra, marafon doirasida nafaqat yangi maqolalar, balki tarjimalar, tahrirlar va yangi fotosuratlar joylanishi ham taʼminlanadi. Bundan tashqari, nogironligi boʻlgan ishtirokchilar uchun maxsus, individual “Paramarafon” tanlovi ham tashkil etiladi.

Ta’kidlanishicha, eng koʻp ma’lumot joylagan jamoalar taqdirlanadi. Xususan, birinchi oʻrinni olgan jamoaga 150 million soʻm, ikkinchi oʻrinni qoʻlga kiritgan jamoaga 125 million soʻm, uchinchi oʻrinni egallagan jamoaga esa 100 million soʻm beriladi.