Apple M4 chipi va iMac - "SI uchun dunyodagi eng yaxshi monoblok"ni taqdim etdi
Monoblok Apple M4 chipi, toʻrttagacha "Thunderbolt 4" porti, asosiy versiyada 16 Gb tezkor xotira, 12 megapikselli Center Stage kamerasi va USB-C bilan jihozlangan.
Apple alohida taqdimotsiz oʻz veb-saytida bir nechta mahsulotlarni yangiladi. iMac monobloki endi M4 chipi bilan chiqadi, "Magic Keyboard" va "Magic Mouse" aksessuarlarida Lightning oʻrniga USB-C porti oʻrnatilgan. "Magic Mouse"dagi tirqish avvalgidek pastki qismida joylashgan.
"M4 va Apple Intelligence, har qanday makonda ajralib turadigan ajoyib yangi ranglar, takomillashtirilgan 12 megapikselli Center Stage kamerasi va nanotuzilmali displeyning yangi versiyasi - bu iMac uchun mutlaqo yangi davr", deci Apple apparat ta’minoti bo‘yicha katta vitse-prezidenti Jon Ternus.
Yangilik M1 li iMac’dan 1,7 baravar tezroq ekani ta'kidlanadi. Bortdagi yangi GPU bilan yangilangan Mac intensiv ish yuklamalarida (masalan, rasm va o‘yinlar bilan ishlash) M1 oʻrnatilgan iMac'ga qaraganda 2,1 baravar tezroq ishlaydi.
Kompaniyaning fikricha, M4 prosessoridagi "Neural Engine" yadrolari tufayli iMac M1 dan uch baravar tezroq, yangilik "dunyodagi eng yaxshi sun’iy intellekt monoblokidir". Kompyuter allaqachon macOS'ning sun’iy intellekt funksiyalarini qo‘llab-quvvatlaydi – yangilangan Siri, matn bilan ishlash uchun "Writing Tools" va sun’iy intellekt bildirishnomalarini jamlash.
Ekran yangi iMac'da 24 dyuymli diagonalda 4,5K aniqlik bilan. Apple monoblok displeyi birinchi marta tasvir sifatini saqlab qolgan holda nur qaytarish va chaqnashni kamaytiradigan nanoteksturali oyna opsiyasi bilan mavjud.
Kompyuter 12 MP va "Desk View" funksiyasini qo‘llab-quvvatlaydigan yangi "Center Stage" kamerasiga ega bo‘ldi. Video qo‘ng‘iroqlarni amalga oshirish vaqtida ovozni sifatli uzatish uchun korpusga uchta mikrofon o‘rnatildi. Yangi iMac'da tovushni ijro etish uchun oltita dinamikdan iborat ovoz tizimi javobgar.
Shuningdek, yangi iMac ulanish standartlarini yangiladi - endi ulanish uchun Wi-Fi 6E va Bluetooth 5.3 oʻrnatilgan.
Ichida M4 bo‘lgan yangi iMac yettita rangda sotiladi: yashil, sariq, zarg‘aldoq, pushti, binafsha, ko‘k va kumush. 16/256 GB xotirali va sakkiz yadroli CPU va GPUli model uchun rasmiy narx AQShda 1 300 dollardan (16 639 000 so‘m) boshlanadi.