Telegram'da maxsus hadya yuborish imkoniyati paydo boʻldi
Telegram jamoasi messenjerning oxirgi yangilanishi taqdim etdi. Foydalanuvchilar endi doʻstlariga hadyalar yuborishi mumkin. Hadyalarni oluvchilar ularni profil sahifalarida namoyish qilishi yoki Yulduzlarga aylantirishi mumkin. Telegram Yulduzlar koʻplab narsalar, jumladan, mualliflarni qoʻllab-quvvatlash va mini ilovalarda xizmatlarni sotib olish uchun ishlatilishi mumkin.
Bundan tashqari, Telegram har qanday biznes uchun mijozlarning telefon raqamlarini har bir foydalanuvchi uchun atigi 0,01$ evaziga tasdiqlash imkoniyatini ishga tushirdi. Bu yangi tasdiqlash platformasi foydalanuvchilarga Telegram orqali kod olish yordamida telefon raqamlarini oson tasdiqlash imkonini beradi. Shuningdek, video chatlar takomillashtirildi, Telegramda kontent haqida xabar berishning yangi usullari va boshqa koʻplab yangiliklar qoʻshildi. Ular haqida batafsil quyida.
Hadyalar
Telegram foydalanuvchilari endi bir-birlariga Telegram Yulduzlar evaziga hadyalar yuborishi mumkin. Hadyalar maxsus xabar bilan toʻldirish, masalan, bayram yoki muhim voqea bilan tabrik yozish mumkin boʻlgan animatsiyali sanʼat asariga oʻxshaydi.
Hadya olganingizda uni profilingizning yangi “Hadyalar” sahifasida ko‘rsatishingiz yoki hadyani rad etib, uning yulduzlarini boshqa joyga, jumladan, ko‘proq hadyalarga sarflash uchun olishingiz mumkin.
Hadya yuborish uchun foydalanuvchi profilini oching va ⋮ / ⋯ > Hadya yuborish tugmasini bosing. Istalgan xabar yoki emoji qoʻshishingiz mumkin.
Hadya yuborayotganda ismingizni berkitishni tanlashingiz mumkin. Qabul qiluvchi shunda ham uni kim yuborganini biladi, lekin agar hadya uning profilida koʻrsatilsa, boshqa hech kim ismingizni koʻrmaydi.
Tasdiqlash platformasi
Bizneslar uchun mijozlarining telefon raqamlarini tasdiqlash qanchalik qimmat boʻlishi mumkinligini oʻz tajribamizdan bilamiz, deyiladi rasmiy relizda. Bugundan boshlab har qanday biznes, ilova yoki veb-sayt Telegram orqali tasdiqlash kodlarini yuborishi va ular uchun Fragment orqali toʻlashi mumkin. Telegram kodlari tezroq, arzonroq, xavfsizroq hamda SMS va boshqa muqobillarga qaraganda qulayroq.
Foydalanuvchilar Telegram ichidagi maxsus chatda kodlarga ega xabarlarni darhol oladi.
Yaxshilangan shikoyat qilish interfeysi
Har kuni Telegram moderatorlari Xizmat shartlarini buzadigan millionlab kontentlarni olib tashlaydi. 2015-yildan buyon barcha Telegram ilovalari foydalanuvchilarga xabarlar ustidan moderatorlarga shikoyat qilish imkonini beradi.
Moderatorlarning shikoyatlarni keng koʻlamda qayta ishlash qobiliyatini yanada yaxshilash va AI imkoniyatlarini yanada takomillashtirish uchun shikoyat menyusi har bir turkum uchun batafsil variantlar bilan kengaytirildi. Shikoyat qilish sabablari roʻyxati endi serverdan dinamik ravishda yangilanadi, bu Telegram jamaosiga sodir boʻlayotgan voqealar va tendensiyalarga moslashgan holda real vaqt rejimida eng dolzarb shikoyat sabablarini taklif qilish imkonini beradi.
Xabar ustidan shikoyat qilish uchun Android qurilmada uni bosing, iOS qurilmada bosib turing yoki Desktop yoki Webda sichqonchaning oʻng tugmasini bosing va “Shikoyat qilish” bandini tanlang.
iOS uchun ilovada yangilangan video chatlar
Bu yangilanishda iOS uchun ilovada video chatlar interfeysini toʻliq qayta yangiladik — endi guruhli chaqiruvlar kamroq resurslarni talab qiladi, bu batareya quvvatini tejash imkonini beradi.
Shuningdek, qurilmangiz uzoq chaqiruvlar vaqtida sezilarli darajada kamroq qiziydi — hatto oʻnlab ishtirokchilar bilan bir nechta videooqimda ham.
Telegramdagi video chatlar sizga kamerangizni koʻrsatish va ekraningizni namoyish qilish imkonini beradi.
Android uchun RTMP strimlari
Telegram Android uchun endi RTMP bilan jonli efirni dastaklaydi — bu sizga strim kalitini yaratish va video tasviringizni OBS Studio va XSplit Broadcaster kabi mashhur ilovalarga ulash imkonini beradi.
RTMP strimlari barcha Telegram ilovalarida mavjud — ular birinchi marta iOS va Desktopda 2022-yilda joriy etilgan edi.