Apple iPhone 16 taqdimot sanasini e'lon qildi

“Apple"kompaniyasi iPhone 16 smartfonlari va boshqa gadjetlari taqdimoti sanasini e’lon qildi. Korpusning o‘ng tomonida foto va video suratga olishni boshqarish uchun qo‘shimcha tugma bo‘lishi mumkin, gadjetning ichida esa yangi Apple A18 va A18 Pro chiplari bo‘ladi.

iPhone 16 va 16 Plus smartfonlari vertikal ravishda joylashgan ikkita kamerali yangi orqa panel dizayniga ega bo‘lishi kutilmoqda. Smartfonlar yangi ranglarda boʻlishi mumkin. Ekranlarning tasvirni yangilash tezligi bir xil darajada qolishi taxmin qilinmoqda — atigi 60 Gts.

iPhone 16 Pro va 16 Pro Max modellari ekranlarda yupqa ramkalar, kattaroq displeylar (6,3 va 6,9 dyuym), yangilangan kamera sensorlari va yangi ranglarga ega bo‘lishi mumkin. IPhone 15 Pro 15 Pro Max’dagi Blue Titanium oʻrnini bosadigan Desert Titanium yoki “qora oltin” boʻlishi kutilmoqda.

Shuningdek, taqdimot davomida yangilangan to‘rtinchi avlod “AirPods” quloqchinlari taqdim etilishi mumkin.

Apple’ning anʼanaviy kuzgi taqdimoti 9-sentabr kuni Toshkent vaqti bilan soat 22:00 da boʻlib oʻtadi.