“Samsung” flagman imkoniyatlariga ega Galaxy A55 va A35’ni taqdim etdi

“Samsung” kompaniyasi yangi o‘rta byudjetli Galaxy A35 va A55 smartfonlarini taqdim etdi.

Ular eski modellarning dizaynini saqlab qolgan, ammo ovozni sozlash va o‘chirib-yoqish tugmalari ostiga yana bir tugma qo‘shilgan. A55 metall ramkalar va shisha orqa panel, A35 esa plastikli panelga ega. Korpuslar IP67 standarti bo‘yicha suvdan himoyalangan — ularni suv ostida bir metr chuqurlikda 30 daqiqa ushlab turish mumkin bo‘ladi.

Smartfonlar 6,6 dyuymli Super AMOLED displeylari bilan jihozlangan, ular FHD+ o‘lchamlariga ega, tasvirni yangilash tezligi esa 120 Gts. Telefonlarga to‘rtta kamera o‘rnatilgan:

• Galaxy A35 — asosiy 50 MP (f/1.8, 1/1.96, PDAF, OIS), 8 MP (f/2.2, 123˚, ¼.0, 1.12µm) bilan ultra keng burchakli,
  5 MP (f/2.4) bilan makro va 13 MP (f/2.2, 1/3.06, 1.12µm) bilan old kamera;
• Galaxy A55 — 50 MP (f/1.8, 1/1.56, 1.0µm, PDAF, OIS) bilan asosiy, 12 MP (f/2.2, 123˚, 1/3.06, 1.12µm) bilan ultra keng burchakli, makro bilan 5 MP (f /2.4) va 32 MP old kamera (f/2.2, 26 mm, ½.74, 0.8µm).

Galaxy A35 ichida 6 yoki 8 Gb tezkor xotiraga ega Exynos 1380 chipi, A55da esa 8 yoki 12 Gb tezkor xotiraga ega Exynos 1480 mavjud. 5000 mA / soat batareyalar 25 Vt quvvatni qoʻllab-quvvatlaydi.

Telefonlar Samsung Knox Vault yechimi tomonidan qoʻllab-quvvatlanadi, u foydalanuvchining ma’lumotlarini himoya qilgan holda ham apparat, ham dasturiy ta’minot hujumlaridan har tomonlama himoya qiladi. Kompaniya yangi mahsulotlar uchun to‘rt yil davomida dasturiy ta’minot yangilanishi va besh yillik xavfsizlik paketini yangilashni va’da qilmoqda.

6/128 GB asosiy konfiguratsiyadagi Samsung Galaxy A35 Yevropada 415 dollardan (5 196 000 so‘m), Galaxy A55'ning 8/128 GBli versiya uchun 525 dollardan (6 563 000 so‘m) sotiladi.