Apple iPhone 16’ni besh xil versiyada chiqarishi aytilmoqda

Twitter’da Majin Bu nomli insayder Apple iPhone 16 liniyasining 5 ta versiyada chiqarilishini aytmoqda.

Unga ko‘ra, yangi avlod iPhone’larda Plus versiya bo‘lmaydi, uning o‘rniga SE model qo‘shiladi. Ular hamyonbop segmentda sotilishi kutilmoqda.

Majin Bu smartfonlar quyidagicha bo‘lishini aytmoqda:

• iPhone 16 — 6,3 dyuymli 120 Gs chastotali ekran, ikkita kamera;
• iPhone 16 Pro — 6,3 dyuymli 120 Gs chastotali ekran, uchta kamera;
• iPhone 16 Pro Max — 6,9 dyuymli 120 Gs ekran, uchta kamera, rekord darajadagi batareya;
• iPhone 16 SE va 16 Plus SE — 6,1 va 6,7 dyuymli 60 Gs ekran, bitta kamera, kichikroq batareya.

Insayder bu ma‘lumotlar haqiqat bo‘lmasligini ta‘kidlab, Apple haqiqatan ham bitta kamerali va 60 Gs ekranli smartfonni sinovdan o‘tkazayotganini aniq aytmoqda.