O‘smirlar o‘rtasidagi Jahon chempionati. O‘zbekiston terma jamoasi Angliyani mag‘lub etib, chorak finalga yo‘l oldi

Indoneziyada o‘tayotgan o‘smirlar o‘rtasidagi Jahon chempionatida O‘zbekiston U-17 terma jamoasi 1/8 final uchrashuvi doirasida Angliyani mag‘lub etib, chorak finalga yo‘llanmasini qo‘lga kiritdi.

O‘zbekiston milliy terma jamoasi 4-daqiqada tezkor gol kiritishga muvaffaq bo‘ldi. Hisobni hujumchi Amirbek Saidov ochib berdi. Uchrashuvning 35-daqiqasida raqib jamoa yarim himoyachisi Jol Ndala hisobni tenglashtirdi.

Ikkinchi taymda o‘zbekistonliklar 2-golni kiritishga muvaffaq bo‘ldi. O‘yinning 67-daqiqasida Lazizbek Mirzayev jarima zarbasida super gol kiritib, O‘zbekistonning g‘alabasini ta’minladi.

O‘zbekiston terma jamoasining chorak finaldagi raqibi Fransiya — Senegal uchrashuvida (22-noyabr, soat 17:00 boshlanadi) aniqlanadi. Chorak final bahsi 25-noyabr kuni bo‘lib otadi.

Gollar videolari