Hukm

Sahna asari voqyealari mustaqil hokimiyat deya e’tirof etiladigan sud tizimi, sudya faoliyati va sudlov jarayonlarini qamrab oladi.

Sudga sudlanuvchilarning ayblov jildlari yig’ilgan delolar keladi. Ishni ko’rib chiqishi kerak bo’lgan sudya sudlanuvchilar nohaq ayblanayotganini bilib, har bir sudlanuvchining ayblov tarixini miridan-sirigacha o’rganadi. Afsuski barcha sohalarda bo’lgani kabi bu sohada ham o’ziga mos va xos bo’lgan xatoliklar yuz berishi sababli, aybi bo’lmagan insonlar jinoyatchi deya e’tirof etilishi kerak edi. Biroq sudya bunga yo’l qo’ymaydi. Ayblanuvchilarning qamalib ketishidan maanfaatdor bo’lgan to’dalarga bir o’zi qarshi turadi.

Sahna asari jamiyatimizda yuz berishi mumkin bo’lgan jiddiy illatlarni ro’yi-rost ko’rsatadi. Dunyoning ustuni adolat ekani, adolatsiz jamiyat tubanlikka yuz tutishi haqida ogohlantiradi. Insonlarda o’z hayotini xavfga qo’yib bo’lsa ham adalatni tiklashga, ezgulikka xizmat qilishga rag’bat uyg’otadi. Tomoshabin, ayniqsa, yoshlar qalbida adolat tushunchasining olovini yoqishga, tazyiqlardan qo’rqmay oldinga intilishga, yuksak marralarni qo’rqmay zabt etishga chorlaydi.