Oʻzbekistonliklar Yangi yilni qanday filmlar, musiqalar va kitoblar bilan kutib oldi?
“Yandex” kompaniyasi Afisha.uz nashriga yangi yil bayramida oʻzbekistonlik foydalanuvchilar orasida qaysi filmlar, kitoblar va qoʻshiqlar eng ommabop bo‘lganini ma’lum qildi. Bu 2024-yil 28-dekabrdan 2025-yil 5-yanvargacha bo‘lgan davr ma’lumotlarini o‘z ichiga oladi.
Kino, seriallar va shoular
Yangi yil bayrami haftasida o‘zbekistonliklar asosan komediyalar tomosha qilishni afzal ko‘rdi. Ular orasida “Небриллиантовая рука” va “Баба Яга спасает Новый год” yangi yil filmlari, “Красная поляна” hamda “Папины дочки. Новые” seriallari, Jeki Chan ishtirokidagi “Panda” operatsiyasi", Uill Smit ishtirokidagi “Yomon yigitlar: hayda yoki oʻl” va o‘zbekistonlik ijodkorlar tomonidan ishlangan “Mister Taka” kinokartinalari bor. Mahalliy kontent orasida “Ovoz. Bolalar” musiqiy shousi ham yuqori pogʻonadan joy oldi.
Muxlislar boshqa janrlardan “Klyukva sharbati” melodrama seriali, “Прометей” detektiv trilleri va qoʻrqinchli “Субстанция” filmini ham tomosha qilgan.
Yangi yildagi dam olish kunlarida O‘zbekistonda tomosha qilingan eng sara filmlar:
- “Panda” operatsiyasi";
- “Yomon yigitlar: hayda yoki oʻl”;
- “Mister Taka”;
- “Папины дочки. Новые”;
- “Небриллиантовая рука”;
- “Баба Яга спасает Новый год”;
- “Klyukva sharbati”;
- “Ovoz. Bolalar” (“Голос. Дети”);
- “Субстанция”;
- “Прометей”.
Kitoblar
Amerikalik kouchlar va iqtisodchilarning moliyaviy muvaffaqiyat, yetakchilik va baxtli hayot haqidagi motivatsion bestsellerlari oʻzbek kitobxonlari orasida mashhurlikka erishdi. Yuqori oʻrinlarda hatto bu sohaga qiziqmaydigan odamlar ham eshitgan “Boy ota kambagʻal ota”, “Думай медленно… Решай быстро” va “NI SI. Oʻzni shakllantirish” kabi kitoblarni koʻrish mumkin.
Yangi yil dam olish kunlari O‘zbekistonda o‘qilgan eng mashhur kitoblar:
- Daniel Kaneman “Думай медленно… Решай быстро”;
- Jorj Samuel Kleyson “Bobilning eng boy odami”;
- Mark Menson “Beparvolikning nozik san’ati”;
- Robert Toru Kiyosaki, Sheron Lexter “Boy ota, kambagʻal ota”;
- Devid Kemeron Jikandi “Счастливый карман, полный денег. Формирование сознания изобилия”;
- Robert Grin “Hokimiyatning 48 qonuni”;
- Jen Sinsero “NI SI. Oʻzni shakllantirish”.
Eng mashhur mualliflar orasida bolalar adabiyoti mualliflari ham bor. Ularning aksariyati Dmitriy Yemets va Masha Traub kabi ertaklarning zamonaviy mualliflari hisoblanadi. Eng ko‘p o‘qiladigan mualliflar ro‘yxatiga jahon adabiyoti klassiklari Oskar Uayld, Xans Kristian Andersen va Aleksandr Pushkin ham kirdi.
Yoʻnalishlar boʻyicha eng koʻp oʻqilgan mualliflar:
- bolalar yozuvchilari — Andrey Usachev, Igor Nosov, Sergey Kozlov, Valentin Postnikov, Liana Shnayder, Anna Kazalis;
- adabiy janrlarda — Masha Traub, Dmitriy Yemets;
- klassiklar — Oskar Uayld, Aleksandr Pushkin, Xans Kristian Andersen.
Musiqa
Yangi yil bayramida eng koʻp tinglangan sanʼatkorlar roʻyxatiga Konsta va Shoxrux ham kirdi. Bayramdagi dam olish kunlari O‘zbekistonda Jah Khalib va Xchoning replari mashhur bo‘ldi. Repdan tashqari, eng koʻp tinglangan musiqalar roʻyxatiga bolalar uchun allalar oʻrin olgan bir nechta pleylistlar kiritilgan.
Eng koʻp tinglangan musiqachilar:
- Konsta;
- Shoxrux;
- Jah Khalib;
- Xcho;
- MACAN;
- Basta;
- MONA;
- MOT;
- Miyagi & Endshpil;
- allalar.
O‘zbek tilidagi eng yaxshi treklar qatoriga AbroBey qo‘shiqlari, “Irina Kairatovna” guruhining “Aydaxar” treki, “Wham!” guruhining “Last Christmas”, xonanda Roza Zergerlining “Istedim”, Misha Miller va Alex Velea duetining “Bam Bam”, Bruno Mars va ROSE tomonidan aytilgan “APT” qo‘shiqlari kiritilgan.
Eng mashhur qoʻshiqlar orasida garchi rep yetakchilik qilsa-da pop va estrada musiqalari ham mavjud. Statistik ma’lumotlarga ko‘ra, sevimli ijrochilar MONA va reper MACAN hisoblanadi.
Eng koʻp tinglangan treklar:
- oʻzbekcha rep: “Qimmat Dunyo” va “Bolalik” — AbroBey;
- qozoqcha rep: “Aydaxar” — Irina Kayratovna;
- ruscha rep: “Yesenin” — Navai, MONA / “Город дорог” — MONA, MACAN / “Как je” — MACAN, Kiliana / “Планы на завтра” — TIGO, Migrant;
- chet-el pop-musiqasi: “Bam Bam” — Misha Miller, Alex Velea, “APT” — ROSE` & Bruno Mars,"Last Christmas" — “Wham!”;
- estrada musiqasi: “Istedim” — Roza Zergerli.