Botir Qodirov, "Sariq bola" va jajji ishtirokchilar – "Ovoz. Bolalar" loyihasi tez orada efirga uzatiladi
E’lon qilingan sana: · 886
“The Voice” franshizasining Oʻzbekistondagi teleshousi boʻlgan “Ovoz"`ning bolalar ishtirokidagi “Ovoz. Bolalar” loyihasiga start berildi. Ayni damda “Sirli ovoz” bosqichining suratga olish ishlari yakunlandi.
Ishtirokchi bolalarga Oʻzbekiston xalq artisti — Sevara Nazarxon, DJ Piligrim va Botir Qodirov singari oʻzbek estradasining yorqin namoyondalari ustozlik qiladi.
Loyihada 6 yoshdan 15 yoshgacha boʻlgan bolalar ishtirok etmoqda.
"Ovoz. Bolalar" teleshousining bu galgi boshlovchisi Jahongir Xoʻjayev ("Sariq bola") boʻldi.
Loyiha prodyuseri Timur Salimovning ma'lum qilishicha, koʻrsatuv 12-oktyabr kuni "Zoʻr TV" telekanalida efirga uzatiladi.