28-avgust kuni "sayyoralar paradi"ni koʻrish mumkin boʻladi

28-avgustga o‘tar kechasi Yer aholisi noyob hodisaga guvoh boʻladi — ertalab osmonda bir vaqtning o‘zida oltita sayyorani koʻrish mumkin bo‘ladi: Merkuriy, Mars, Yupiter, Uran, Neptun, Saturn va Oy.

2024-yil 28-avgustda toʻrtta sayyora — Merkuriy, Mars, Yupiter va Uran osmonning bir sektori — taxminan 90 darajada boʻladi. Oltita sayyora va Oy Quyoshning bir tomonida taxminan 160 graduslik sektorda joylashgan boʻladi. Veneradan tashqari barcha sayyoralar Yer osmonida Quyoshning bir tomonida joylashadi va bir vaqtning o‘zida ko‘rinib turadi. Merkuriy, Mars, Yupiter va Uran osmonning sharqiy qismida, Neptun va Saturn esa janubi-gʻarbiy qismida boʻladi.

Deyarli barcha sayyoralarni (Neptun va Urandan tashqari) ochiq havoda qurollanmagan koʻz bilan koʻrish mumkin. Merkuriy quyoshning birinchi nurlari tushishidan oldin ufqda bir soatdan kamroq vaqt davomida koʻrinadi. Neptun va Uranni koʻrish uchun teleskop yoki kuchli durbin kerak boʻladi.

Quyosh tizimida bir nechta sayyora har million yilda bir marta Yer va Quyoshga mos kelishi mumkin. Odatda, “sayyoralar paradi"da ular ushbu toʻgʻri chiziqqa 20−30 darajali farq bilan yaqinlashadi. Sayyoralarning kichik paradlari taxminan har 20 yilda bir marta, yiriklari esa bundan kamroq kuzatiladi.

Keyingi yirik sayyoralar paradi 2025-yil 28-fevralda bo‘lib o‘tadi. U kechada Saturn, Merkuriy, Neptun, Venera, Uran va ularning yonida Yupiter va Marsni koʻrish mumkin. Bu yettita sayyora (Saturn, Merkuriy va Neptundan tashqari) Quyoshning bir tomonida joylashadigan va bir vaqtning oʻzida osmonda koʻrinadigan eng yaqin sana hisoblanadi.