“Ovoz” loyihasini “Kinopoisk”da ham koʻrish imkoni paydo boʻldi

“Zoʻr TV” telekanalida efirga uzatilayotgan “Ovoz” loyihasini endi “Kinopoisk” onlayn platformasi orqali ham tomosha qilish mumkin. Bu vaqtgacha loyihaning 8 ta soni efirga uzatildi va “Sirli ovoz” bosqichi yakuniga yetdi.

Ma’lumot uchun, avvalroq O‘zbekiston ushbu teleloyihani namoyish etish huquqini qo‘lga kiritgan dunyodagi 76-mamlakatga aylangandi. O‘zbekistonda uning Rossiyadagi franshizasi — “Голос” teleshousi ko‘pchilikka yaxshi tanish. Unda o‘zbekistonlik ijodkorlar ham, xususan, Sevara Nazarxon, Sardor Milano, Sabina Mustayeva, Firdavs Avezovlar ishtirok etishgan.

Eslatib oʻtamiz, Afisha.uz “The Voice” loyihasining rasmiy franshizasi — “Ovoz” taqdimot marosimida qatnashib, maxsus reportaj e’lon qilgandi.