“Uch qirollik” tarixiy seriali oʻzbek tilida namoyish etiladi
![“Uch qirollik” tarixiy seriali oʻzbek tilida namoyish etiladi](/uploads/media/2024/01/1cc302e6d4531f1cfc2633b3dd0deda9_mf.jpg)
“Mahalla” telekanali tez kunda “Uch qirollik” nomli tarixiy epopeya asar asosida suratga olingan serial namoyishini boshlaydi. Bu haqda telekanal ma’muriyati Afisha.uz'ga xabar qildi.
Ma’lum qilinishicha, “Mahalla” telekanaliga “Trio-Link WorldWideLimited” kompaniyasi tomonidan “Uch qirollik” teleserialini namoyish etish uchun eksklyuziv huquq taqdim etilgan. Hozirda tarjima va dublyaj jarayonlari davom etmoqda.
“Serialda Xitoydagi III asr — Xan imperiyasining qulashi va bir davlatning uch mustaqil qirollikka bo‘linishiga olib kelgan tarixiy voqealardan hikoya qilinadi. Adolat uchun kurash, vatanparvarlik, sadoqat tuyg‘usi, davlatchilikni mustahkamlash, birlashish kabi g‘oyalarni aks ettiradi. Serial tarixiy haqiqatga asoslangani uchun syujetlari o‘ta qiziq, taxt uchun kurash shiddati, qahramonlarning murakkab vaziyatlarda o‘zini tutishi tomoshabinni bir zumga bo‘lsin, diqqati bo‘linishiga yo‘l qo‘ymaydi. Xullas, film haqiqiy taxtlar o‘yini haqida”, — deyiladi “Mahalla” ma’muriyati xabarida.
Serial namoyish etiladigan sana hozirda aniq emas.