Qanday qilib OLXda firibgarlardan ehtiyot bo'lish mumkin?

Bir necha yillardan buyon O‘zbekistondagi yirik onlayn savdo maydonchalaridan biri bo‘lgan OLX`da ba’zi foydalanuvchilar tomonidan noqonuniy tarzdagi faoliyatini kuzatish mumkin.

OLX.uz platformasidan foydalanishda o’zingizni himoya qilish uchun bir necha tavsiyalar:

1. Avvalo, platformaning xavfsizlik va maxfiylik siyosati, qoidalarini yaxshi tushunganingizga ishonch hosil qiling.

2. Boshqa foydalanuvchilar bilan muloqot qilishda ehtiyot bo’ling va hushyorlikni yo’qotmang. Sizdan OLXdan tashqari boshqa messenjerlarda muloqotni davom ettirish so‘rashsa, ehtiyotkor bo’ling.

Bu OLX xabarlarida reklama beruvchi-xaridor formatidagi yozishmalarga ham tegishli. Agar, biznes yozishmalari sizning shaxsiy huquqlaringiz, sha’niningiz va qadr-qimmatingizni buzgan bo’lsa, siz foydalanuvchini bloklashingiz va/yoki haqoratomuz matnning skrinshotini olishingiz va uni dalil sifatida OLX qo’llab-quvvatlash xizmatiga yoki zarurat bo’lsa, huquqni muhofaza qilish organlariga taqdim etishingiz kerak.

3. Kafolatsiz tovar yoki xizmatlar uchun oldindan to’lovlarni yubormang. Xavfsiz to’lov usullaridan foydalaning, jumladan noma’lum havolalarga kirmang (masalan, to’lovni tasdiqlash uchun).

4. Potentsial mijoz yoki reklama beruvchiga shaxsiy ma’lumotlaringizni (pasport ma’lumotlari, qaysidir hujjat to’g’risidagi ma’lumotlar, parollar yoki pin kodlari va boshqalar) bermang.

5. Agar zarurat tug’ilsa, mahsulot / xizmat platformadagi e’longa mos kelishiga ishonch hosil qilish uchun bitimlar tuzishda yuzma-yuz uchrashuvni afzal ko’ring.

6. OLX tovar/xizmatlarni pullik yoki bepul yetkazib berishni amalga oshirmaydi, aksiyalar/lotereyalar/lotereyalar/chegirmalar o‘tkazmaydi. OLX funksiyalari va yangiliklarining to‘liq ro‘yxati faqat OLX.uz rasmiy sayti (yagona sayt domeni hisoblanadi) va Telegram kanalida da joylanadi.

7. Agar sizda firibgarlik bilan bog’liq gumon yoki muammolar mavjud bo’lsa, yordam olish hamda muammoni hal qilish uchun darhol platformaning qo’llab-quvvatlash jamoasi bilan bog’laning.

8. Boshqa foydalanuvchilarni firibgarlik haqida ogohlantirish va xavfni kamaytirish uchun xabardor qilishdan cho’chimang.

“OLX platformasi O‘zbekiston fuqarolari uchun manfaatli bo‘lishni maqsad qilgan. Sayt jamoasi o’z foydalanuvchilaridan hushyor bo’lishni va birgalikda firibgarlikning oldini olishni so’raydi”, deydi xizmat ma’muriyati.