Toshkentda yuk mashinalari harakati vaqtincha cheklanadi
E’lon qilingan sana: · 204
Toshkent shahrining markaziy koʻchalarida 4-apreldan 9-aprelgacha yuk transport vositalarining harakati toʻliq cheklanadi. Bu haqda Toshkent shahar IIBB YHXB matbuot xizmati xabar berdi.
Qayd etilishicha, shu kunlarda Toshkent shahrida Parlamentlararo ittifoqning 150-yubiley assambleyasi tadbirlari o‘tkazilishi rejalashtirilgan.
Poytaxtning markaziy koʻchalarida bunday harakatning cheklanishi sababli qurilish ob’yektlarida og‘ir va yengil vaznli barcha toifadagi yuk tashuvchi transport haydovchilari faqat Toshkent halqa avtomobil yo‘lidan harakatlanishi mumkinligi ma’lum qilindi.