Toshkentdagi uchta avtobus yoʻnalishi vaqtincha oʻzgartirildi

E’lon qilingan sana· 233
Toshkentdagi uchta avtobus yoʻnalishi vaqtincha oʻzgartirildi

Avvalroq 2-apreldan boshlab poytaxtning Olmazor tumanidagi Qorasaroy koʻchasi transport vositalari uchun vaqtinchalik yopilishi xabar qilingandi. Bugundan boshlab to sentyabrgacha ushbu koʻcha boʻylab harakatlanuvchi avtobus yoʻnalishlari ham oʻzgartirildi.

42, 43 va 109-sonli avtobus yoʻnalishlari quyidagicha oʻzgartirildi:

42-sonli avtobus: Kensoy qo‘rg‘oni — Chorsu savdo markazi (Sag‘bon ko‘chasi orqali).

43-sonli avtobus: Yunusobod mavzesi 6-daha — Ftiziatriya instituti (Sebzor ko‘chasi orqali borish, Sag‘bon ko‘chasi orqali qaytish).

109-sonli avtobus: Chuqursoy temiryo‘l stansiyasi — Chorsu metrosi (Sebzor ko‘chasi orqali borish, Sag‘bon ko‘chasi orqali qaytish).

Toshkent shahar Transport va yo‘l-transport infratuzilmasini rivojlantirish bosh boshqarmasi yo‘lovchilardan ushbu o‘zgarishlarni inobatga olib, o‘z safarlarini oldindan rejalashtirishlarini so‘ragan.

Eslatib oʻtamiz, aprel-sentyabr oylarida Qorasaroy koʻchasida qurilish-ta'mirlash ishlari olib boriladi.

Telegram kanalimizga obuna bo‘ling