Toshkent aeroportida “Milliy” restorani ochildi
E’lon qilingan sana: · 204
Toshkent xalqaro aeroportida “Milliy” milliy taomlari restoranining ochilishi bo‘lib o‘tdi. U aeroportning “Steril” hududida joylashgan. Bu Toshkent aeroportidagi ilk o‘zbek milliy taomlari restoranidir.
“Milliy” o‘z tashrif buyuruvchilariga an’anaviy taomlarning keng tanlovini taklif etadi: bir necha turdagi osh va somsa, mastava, moshxo‘rda, kabob, salat va shirinliklar, shuningdek, issiq va sovuq ichimliklar. Restoranning ichki ko‘rinishi milliy uslubda dekorativ san’at elementlaridan foydalangan holda yaratilgan bo‘lib, qulay va o‘ziga xos muhit yaratadi.
Muassasa 60 o‘ringa mo‘ljallangan bo‘lib, Toshkent aeroportidagi barcha savdo shoxobchalari kabi kechayu kunduz ishlaydi.
