"Bunyodkor" stadioni yaqinidagi yoʻllar vaqtincha yopiladi

Bugun, 20-mart kuni futbol boʻyicha O‘zbekiston va Qirgʻiziston terma jamoalari oʻrtasida Jahon chempionati saralashi doirasidagi uchrashuv oʻtkaziladi. Oʻyin “Bunyodkor” stadionida boʻlib oʻtadi. Shu munosabat bilan oʻyingoh yaqinidagi ba’zi koʻchalar vaqtincha yopiladi.

Chilonzor tumanining quyida keltirilgan ko‘chalarda soat 17:00 dan soat 23:30 gacha bo‘lgan vaqt oralig‘ida avtotransport vositalari harakati vaqtinchalik cheklanadi:

• Chilonzor va Choʻponota koʼchalari chorrahasidan, Choʼponota koʻchasi boʻylab, Choʻponota — Qatortol koʼchalari kesishgan chorrahasigacha boʼlgan qismi;
• Bunyodkor ikkinchi darajali ko‘chasidan — Cho‘ponota ko‘chasigacha bo‘lgan qismi.

Toshkent shahar IIBB yuzaga kelayotgan noqulayliklar uchun uzr soʻrab, haydovchilardan aylanma yoʻllardan foydalanishni tavsiya qilgan.