Chilonzor metro yoʻli TTZgacha uzaytiriladi
E’lon qilingan sana: · 318
Prezident Shavkat Mirziyoyev 20-mart kuni Toshkent shahrida amalga oshirilayotgan qurilish va obodonlashtirish ishlari bilan tanishdi.
Tanishuv doirasida jamoat transportini rivojlantirish, jumladan, metro tarmog‘ini kengaytirish loyihalari ham ko‘rib chiqildi.
“Ma'lumki, avvalroq Toshkent metropolitenini Toshkent traktor zavodigacha uzaytirish rejalashtirilgan edi. Davlat rahbari ilgari kiritilgan loyihalarni ko‘rib chiqish va muqobil variantlarni taklif etish bo‘yicha topshiriq berdi”, — deyiladi Prezident matbuot xizmatida.
Yangi loyihaga ko‘ra, metroning Chilonzor yoʻlida Toshkent traktor zavodigacha bo‘lgan 10 ta bekat quriladi. Mazkur yo‘nalish 30 ta mahallani qamrab olib, 148 ming aholi uchun transport qatnovini ta’minlaydi.