Dam olish kunlari Toshkentda havo +17 darajagacha isiydi
E’lon qilingan sana: · 628
8 dan 10-martgacha bo‘lgan uch kunlik dam olish kunlarida poytaxtda havo quruq bo‘lishi kutilmoqda.
8-mart kuni kunduzi havo bulutli bo‘ladi, harorat +13° gacha ko‘tariladi. Kechasi havo o‘zgarib turadi, tuman hosil bo‘lishi natijasida koʻrish imkoniyati pasayadi va harorat +8° gacha tushadi.
Yakshanba kuni kunduzi havo o‘zgarib turadi, harorat +16° gacha ko‘tariladi. Dushanbaga o‘tar kechasi ham havo o‘zgarib turadi, tuman hosil bo‘lishi natijasida koʻrish imkoniyati qisqaradi va harorat +4° gacha pasayadi.
Qo‘shimcha dam olish kuni havo biroz bulutli bo‘ladi, harorat esa +17° gacha ko‘tariladi. Kechasi havo kamroq bulutli bo‘ladi, tuman hosil bo‘lishi natijasida koʻrish imkoniyati pasayadi. Harorat +5° gacha tushadi.