Oʻzbekistonliklar bu oy 2 marta 3 kun ketma-ket dam oladi

Kambagʻallikni qisqartirish va bandlik vazirligi mart oyida boʻlib oʻtadigan bayramlar munosabati bilan oʻzbekistonliklar necha kun dam olishini e’lon qildi. Unga koʻra, Xalqaro xotin-qizlar kuni va Navro‘z bayrami munosabati bilan ikki marta uch kun ketma-ket dam olish kunlari e’lon qilindil

Xalqaro xotin-qizlar kuni uchun dam olish kunlari:

• 8-mart (shanba) — Xotin-qizlar kuni;
• 9-mart (yakshanba) — dam olish kuni;
• 10-mart (dushanba) — 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;

Navro‘z bayrami uchun dam olish kunlari:

• 21-mart (juma) — Navro‘z bayrami;
• 22-mart (shanba) — 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;
• 23-mart (yakshanba) — dam olish kuni.

Mehnat kodeksining 208-moddasiga muvofiq, agar dam olish kuni ishlanmaydigan bayram kuniga to‘g‘ri kelsa, dam olish kuni bayramdan keyingi ish kuniga o‘tkaziladi.

Shunday qilib, barcha bayramlar, qo‘shimcha dam olish kunlari, shanba va yakshanba kunlari (shu jumladan, 31-mart dushanba, Ramazon hayitining birinchi kuni) hisobga olingan holda besh kunlik ish haftasiga ega o‘zbekistonliklar mart oyida 13 kungacha dam olishlari mumkin bo‘ladi. Olti kunlik ish haftasiga ega boʻlgan ishchilar 8 kungacha dam olishi mumkin.