Ramazon oyida 49 ta avtobus yoʻnalishi oʻzgaradi

Toshkent shahrida Ramazon oyida har kuni kechqurun masjidlar yaqinidagi ko‘chalarda transport vositalari harakati cheklanadi. Shu munosabat bilan “Toshshahartransxizmat” avtobus yo‘nalishlari har kuni kechki soat oltidan tungi o‘n ikkigacha o‘zgarishini ma’lum qildi.

3, 8T, 9T, 12, 13, 17T, 18, 20, 22, 27, 29, 32, 35, 38, 42, 43, 45, 46, 50, 53, 56, 62, 64, 65, 69, 70, 71, 73, 77, 78, 87, 80, 91, 98, 103, 106, 109, 114, 118, 120, 127, 135, 137, 139, 143, 146, 148, 150, 161-sonli yo‘nalishlar masjidlar yaqinida yopilgan yo‘llarni yondosh ko‘chalar orqali aylanib o‘tadi.

“Toshshahartransxizmat” yo‘lovchilar o‘z yo‘nalishini rejalashtirishi uchun bunday aylanib o‘tishlarning aniq sxemalarini e’lon qilmagan. Qayd etilishicha, avtobuslarning harakatlanish vaqti va oraliq intervallari belgilangan me’yorlardan oshib ketishi mumkin.

“Toshshahartransxizmat” kompaniyasi yuzaga kelgan noqulayliklar uchun uzr so‘rab, barchani Ramazon oyi bilan tabrikladi.