Yangi yil munosabati bilan 48 ta qoʻshimcha poyezd qatnovi yoʻlga qoʻyildi

Transport vazirligi qishki ta’til oldidan qo‘shimcha poyezd qatnovlari tashkil etilishini e’lon qildi. 2024-yil 15-dekabrdan 2025-yil 12-yanvarga qadar bir qator yo‘nalishlarda qo‘shimcha poyezd qatnovlari yoʻlga qoʻyiladi va vagonlar soni oshiriladi.

Qoʻshimcha reyslar:

• “Toshkent — Urganch — Toshkent” yoʻnalishida 2024-yil 17-dekabrdan boshlab 18 ta qoʻshimcha reyslar amalga oshiriladi;
• “Samarqand — Toshkent — Samarqand” yoʻnalishida “Afrosiyob” tezyurar poyezdi 2024-yil 15-dekabrdan boshlab 30 ta qoʻshimcha qatnovni amalga oshiradi.

Qoʻshimcha vagonlar:

“Toshkent — Qo‘ng‘irot — Toshkent”, “Toshkent — Termiz — Toshkent”, “Toshkent — Urganch — Toshkent” va “Toshkent — Sariosiyo — Toshkent” yo‘nalishlarida 2024-yil 20-dekabrdan har kuni 4 ta qo‘shimcha platskart vagonlari qo‘shiladi.