"Paxtakor" stadioni 2025-yilda rekonstruksiya qilinadi

Poytaxt markazidagi xuddi shu nomli futbol klubiga qarashli “Paxtakor” stadionini rekonstruksiya qilish ishlari 2025-yilda boshlanadi. Bu haqda klub raisi Jahongir Ortiqxoʻjayev jamoaning keyingi yilgi rejalariga bagʻishlangan matbuot anjumanida ma’lum qildi.

Ta’kidlanishicha, stadion rekonstruksiyadan soʻng xalqaro standartlarga mos boʻladi.

“Paxtakor” stadioni bo‘yicha, biz ta’mirlash ishlarini FIFA talablari asosida bahorda boshlaymiz, — dedi Jahongir Ortiqxo‘jayev.

Bundan tashqari, ushbu matbuot anjumanida klub yangi bosh murabbiyi ham tanishtirildi. Kelgusi mavsumda “Paxtakor"ni portugaliyalik Pedro Moreyra boshqaradi.