O‘zbekistondan Xitoyga vizasiz sayohat qilish mumkin bo‘ladi
O‘zbekiston va Xitoy tashqi ishlar vazirlari ikki mamlakat fuqarolari ushbu davlatlarda 30 kun davomida vizasiz sayohat qilishi mumkin bo‘lgan bitimni imzoladi. Bu haqda O‘zbekiston tashqi ishlar vaziri ma’lum qildi.
“Bu hujjat aloqalarimizni yanada faollashtirish, savdo aylanmasini oshirish va xalqlar oʻrtasidagi munosabatlarni rivojlantirish yoʻlidagi yana bir muhim qadamdir”, — dedi Baxtiyor Saidov Xitoy tashqi ishlar vaziri Van I bilan uchrashuv yakunlari bo‘yicha.
Ilgari faqat Xitoy fuqarolari O‘zbekiston hududida vizasiz 10 kun davomida bo‘lishlari mumkin edi, o‘zbekistonliklarning Xitoyga borishi uchun esa viza talab qilinardi.
Qayd etilishicha, yangi qoidalarning kuchga kirishi va vizasiz rejimning bekor qilinishi haqida alohida xabar beriladi.