Foto: Ispaniyadagi FIA Motorsport Games 2024 musobaqasida Oʻzbekiston ishtiroki

23−27 oktyabr kunlari Valensiyada (Ispaniya) FIA Motorsport Games Avtosport Olimpiadasi boʻlib oʻtdi.

Unda 5 qit’adan 1000 nafar poygachi avtosportning 27 toifasi boʻyicha oltin, kumush va bronza uchun kurash olib bordi.

Avtosport bo‘yicha O‘zbekiston Milliy terma jamoasi Karting Slalom, Karting Mini, Karting Endurance, Drift kabi yo‘nalishlarda bellashdi.

Drifting boʻyicha Dilshod Yusupov 25-o‘rinni egallagan bo‘lsa, musobaqa finalida O‘zbekiston terma jamoasi 32 mamlakat ichida 26-o‘rinni egalladi.

FIA Motorsport Games 2024 Karting Endurance — O‘zbekiston ushbu yo‘nalish bo‘yicha 24 davlat orasida 17-o‘rinda boʻldi.

FIA Motorsport Games 2024 Karting Slalomning yakuniy natijalari — O‘zbekiston ushbu yo‘nalish bo‘yicha 21 davlat orasida 11-o‘rinni egalladi.

FIA Motorsport Games 2024 Karting Mini yakuniy natijalari — Final B — O‘zbekiston ushbu yo‘nalish bo‘yicha 16 davlat orasida 12-o‘rinni qoʻlga kiritdi.

Musobaqa davomida oʻzbekistonlik poygachilar — Kim Vladislav Albaniya, Chili, Slovakiya, Gonkong kabi davlatlarni chetlab o‘tdi.