Ekologiya mavzusida ikkita yutuqli tanlovlar davom etmoqda

“Uzbekistan eco-publications and video clips award (“Eng yaxshi eko-maqola va videoroliklar”) va “Tabiat madhiyasi” tanlovlari davom etmoqda, deb xabar bermoda Ekologiya vazirligi.

Ijodiy ishlar 2024-yil 5-dekabrgacha qabul qilinadi.

“Uzbekistan eco-publications and video clips award” tanlovida ishtirok etish uchun 2024-yil 5-dekabrgacha e’lon qilingan ishlarni Ekologiya vazirligining info@eco.gov.uz elektron pochta manziliga jo‘natish zarur.

Maqolalar va videoroliklarga qo‘yilgan talablar bilan havola orqali tanishishi mumkin.

“Tabiat madhiyasi” tanlovida ishtirok etish uchun esa 2024-yil 5-dekabrgacha ijodiy ishlarni (MP3 formatida) info@eco.gov.uz pochtasiga yuborish lozim. Tanlovda ishtirok etish shartlari bilan mana shu havola orqali tanishish mumkin.

Har ikki tanlov g‘oliblari yangi yil arafasida taqdirlanadi.