Namanganda xalqaro asal festivali boʻlib oʻtadi

Namangan shahridagi “Afsonalar vodiysi” tematik bogʻida 1−3 noyabr kunlari III xalqaro asal festivali boʻlib oʻtadi. Bu haqda viloyat Turizm boshqarmasi xabar berdi.

Festival doirasida:

• dunyoning 10 dan ortiq davlatlaridan hamda Oʻzbekistonning barcha hududlaridan tashrif buyurgan asalarichilar ishtirokida Asal yarmarkasi;
• xalqaro ekspertlar ishtirokida ilmiy-amaliy konferensiyalar;
• B2B formatidagi uchrashuvlar;
• madaniy koʻngilochar shoular;
• osh chempionati;
• moda festivali boʻlib oʻtadi.

Bundan tashqari, festival doirasida “Eng yaxshi qadoqlangan asal” va “Eng tabiiy asal” nominatsiyalari bo‘yicha tanlovlar o‘tkaziladi.