Yakshanba kuni metro 1 soat ertaroq ish boshlaydi

Toshkent metropoliteni 27-oktyabr, yakshanba kuni odatdagi ish vaqtidan bir soat ertaroq, ya’ni 05:00 da faoliyat boshlaydi. Bu haqda “Toshkent metropoliteni” DUK axborot xizmati xabar berdi.

Yakshanba kuni Toshkent metropolitenining barcha bekatlari Oʻzbekiston Respublikasi Oliy Majlis Qonunchilik palatasi va mahalliy Kengashlashlar deputatlari saylovi oʻtkazilishi munosabati bilan 05:00 da ish boshlaydi.

Shuningdek, bu kunda yo‘nalishlarda poyezdlar harakati ish kunlari uchun tasdiqlangan doimiy jadval asosida tashkillashtiriladi.