Olmazor tumanidagi yoʻllarning bir qismi vaqtincha yopildi

27-sentyabr kuni 15:30 da Olmazor tumanidagi yoʻllar avtomobil harakati uchun yopildi. Bu haqda tuman hokimligi matbuot xizmati xabar berdi.

Qayd etilishicha, Kichik halqa avtomobil yoʻlining Qorasaroy chorahasidan Talabalar koʻchasigacha, Keles avtomоbil yoʻlining Qoraqamish koʻchasi chorahasidan Nurafshon aylanma koʻchasigacha boʻlgan qismi yopilgan.

Ma’lumotga koʻra, yoʻl ta’mirlash ishlari kechki soat 22:00 gacha olib boriladi va shundan soʻng yoʻl ochiladi.

Avvalroq Oʻzbekistonda boʻlib oʻtayotgan futzal boʻyicha Jahon chempionati sababli Humo Arena yaqindagi koʻchalarda mashinalar harakati vaqti-vaqti bilan cheklanishi haqida xabar berilgandi.