Toshkentda 12 ta avtobus yoʻnalishi vaqtincha oʻzgartirildi
E’lon qilingan sana: · 645
“Toshshahartransxizmat” AJ Toshkent shahridagi 12 ta avtobus yoʻnalishida vaqtinchalik oʻzgarishlar boʻlganini maʼlum qildi.
Poytaxtning Yakasaroy tumanidagi Bobur ko‘chasining Shota Rustaveli ko‘chasi bilan chorrahadan Nukus ko‘chasi bilan chorrahagacha bo‘lgan qismida yer osti yuqori voltli kabel tarmoqlarini yotqizish ishlari munosabati bilan 18-sentabrdan 5-oktyabrga qadar avtotransport vositalari harakati cheklanadi.
Shu bois 2, 11, 12, 40, 45, 47, 67, 77, 80, 94, 106, 140-sonli avtobus yo‘nalishlari harakati vaqtincha o‘zgartirildi. Mazkur yoʻnalishdagi avtobuslar 5-oktabrga qadar yuqoridagi sxema boʻyicha aylanma qatnovlarni amalga oshiradi. “Toshshahartransxizmat” avtobuslar oralig‘i oshishi mumkinligini ma’lum qildi.