Toshkentda metro va avtobuslar bayram kunlari qay tartibda harakatlanishi ma’lum qilindi

Toshkent shahrida dam olish kunlari metro va avtobus yo‘nalishlarining harakatlanish jadvali e’lon qilindi. O‘zbekiston Mustaqilligining 33 yilligini nishonlash munosabati bilan mamlakat aholisi to‘rt kun dam oladi.

Toshkent metropoliteni 31-avgust va 1-sentabr kunlari odatiy ish kunlari uchun belgilangan jadval asosida ishlaydi. 2 va 3-sentabr kunlari metro dam olish kunlari jadvali bo‘yicha ishlaydi.

Avtobuslar esa 31-avgust, shuningdek, 1, 2 va 3-sentabr kunlari yakshanba uchun tasdiqlangan jadval bo‘yicha harakatlanadi. Ya’ni, yoʻnalishlarda avtobuslar kamroq boʻladi.