Endi termiryoʻl kassalarida chiptalarni avtomatlashtirilgan terminal orqali sotib olish mumkin boʻladi

Toshkent-Markaziy (Shimoliy) vokzali kassasida chipta sotish uchun maxsus avtomatlashtirilgan terminal oʻrnatildi. U hozircha test rejimida ishlamoqda, deya xabar beradi “Oʻztemiryoʻlovchi” AJ axborot xizmati.

Mazkur terminaldan chipta rasmiylashtirishda, kerakli yo‘nalish, vagon va o‘rindiqni tanlash kerak. So‘ng shaxsiy ma’lumotlarni kiritib, to‘lov kartalari orqali chiptani xarid qilish yakunlash mumkin.

Mazkur terminaldan yo‘lovchi poyezdlar jadvali haqida ma’lumot olish ham mumkin. U hozirda faqatgina Toshkent-Markaziy vokzalida test tartibida ishlamoqda. Ta’kidlanishicha, yaqin kunlarda uni Respublikaning qolgan barcha temiryo‘l vokzallariga o‘rnatish rejalashtirilgan.