Pianinochi Behzod Abduraimov Hollywood Bowl sahnasida chiqish qildi

Behzod Abduraimov Hollywood Bowl sahnasida Los-Anjeles filarmonik orkestri va dirijyor Otto Tausk bilan birgalikda chiqish qildi.

Hollywood Bowl — AQShning Kaliforniya shtatidagi Los-Anjelesning Gollivud tumanidagi ochiq osmon ostidagi amfiteatr kontsert zali. Asosan musiqiy chiqishlar uchun ishlatiladi.

Idish (inglizcha bowl) amfiteatr deb nomlangan, chunki u tepalik yon bag‘rida chuqurlikda joylashgan. Gollivud Bowl Los-Anjeles okrugiga tegishli bo‘lib, Gollivud Bowl orkestri uchun asosiy makon hisoblanadi. Yozda bu yerda Los-Anjeles filarmoniya orkestri chiqish qiladi.

Behzod o‘z ijrosi uchun “Moel Bosh"dan milliy o‘zbek naqshli kostyumini tanladi. 17 mingga yaqin tinglovchilar tashrif buyurgan konsert dasturida Chaykovskiyning buyuk asarlari yangradi. Konsert ajoyib mushakbozlik bilan yakunlandi.

Gollivuddagi afsonaviy maydonda pianinochining navbatdagi chiqishlari uning 2014-yildagi debyutining 10 yilligini nishonlamoqda. Aytish joizki, Behzod Abduraimov dunyoning eng yaxshilaridan biri sanalgan Los-Anjeles filarmonik orkestri bilan tez-tez konsert beradi.

Noyabr oyida ham aynan shu maskanda Behzodning yakkaxon konsert dasturi bo‘lib o‘tadi.