“Uzbekistan Airways” bir qator xalqaro reyslarga chegirma e’lon qildi
E’lon qilingan sana: · 189
“Uzbekistan Airways” aviakompaniyasi “Yorqin payshanba” aksiyasi doirasida Toshkent va Samarqanddan qator xalqaro reyslarga 20 foizli chegirma taqdim etmoqda. Bu haqda kompaniya matbuot xizmati xabar berdi.
Bir kunlik aksiya davomida quyidagi aviaqatnovlarga 20 foiz chegirma beriladi:
- Toshkentdan Boku, Goa, Dubay, Nijnevartovskka va ortga;
- Samarqanddan Nijniy Novgorodga va ortga.
Aksiya faqat bir kun — 11-iyul kuni soat 00:00 dan 23:59 gacha amal qiladi. Chiptalarni kompaniya rasmiy veb-sayti orqali xarid qilish mumkin.
Yoʻlovchi va yuk tashish tariflariga qo‘shimcha ravishda turli soliqlar, yigʻimlar va to‘lovlar ham o‘rnatiladi. 20 foizli chegirma yig‘imlar, soliqlar va boshqa qo‘shimcha to‘lovlar uchun amal qilmaydi.