Hafta davomida Toshkentda havo harorati 38 darajagacha koʻtariladi
![Hafta davomida Toshkentda havo harorati 38 darajagacha koʻtariladi](/uploads/media/2024/07/07d1ee2ca501ce2ed787781d518c298d_l.jpg)
“Oʻzgidromet” agentligi 8−12-iyul kunlari Oʻzbekistonda kuzatiladigan havo harorati haqida ma’lumot e’lon qildi.
Unga koʻra, Toshkentda 8-iyul kuni qisqa muddatli yomg‘ir yog‘ishi, momaqaldiroq bo‘lishi, shamol 12−14 m/s gacha kuchayishi mumkin. Harorat 33−35 daraja bo‘ladi. 9−12-iyul kunlari yog‘ingarchilik kutilmaydi. Harorat 35−38 daraja bo‘ladi.
8-iyul kunduzi O‘zbekiston bo‘yicha yoz faslining o‘rtasi uchun 32−35 gradus, janubda va cho‘l hududlarda 38−40 darajagacha bo‘lgan qulay harorat kuzatiladi. Respublika hududining katta qismida yog‘ingarchilik kutilmaydi, faqat Toshkent, Jizzax, Sirdaryo viloyatlari va Farg‘ona vodiysi viloyatlarida ayrim joylarda qisqa muddatli yomg‘ir yog‘ishi, momaqaldiroq bo‘lishi mumikn.
9-iyul kuni havo harorati ko‘tarila boshlaydi va ish haftasining oxirigacha 35−39 daraja atrofida, janubda 42 gradusgacha bo‘ladi. Ushbu davrda yomg‘ir yog‘ishi kutilmaydi.
Shamol 7−12 m/s tezlikda esadi, ba’zi joylarda 13−18 m/s gacha kuchayishi, ayrim joylarda chang-to‘zonlar bilan kuzatilishi mumkin.
Respublikaning tog‘li hududlarida 8−12-iyul kunlari ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin.
8−9-iyulda Toshkent, Andijon, Namangan va Farg‘ona vilotlarida sel-suv toshqin hodisalari yuzaga kelishi mumkin.