“Uzbekistan Airways Express” reyslarida qo‘l yuki hajmi oshirildi

“O‘zbekiston havo yo‘llari” aviakompaniyasi “Uzbekistan Airways Express” reyslarida bepul qoʻl yuki hajmi oshirilganini ma’lum qildi. Endi yoʻlovchilar oʻzlari bilan 8 kggacha qoʻl yuki olib yurishi mumkin. Oldin bu norma 5 kggacha boʻlgan.

Ushbu reyslarda bagajni tashish shartlari bir xil boʻlib qoladi va bagajni tashish huquqi bilan chipta sotib olgan yoʻlovchilar uchun 1 dona bagajga ruxsat beriladi:

• Kattalar va 2 yoshdan oshgan bolalar — 23 kg (158 sm) dan oshmasligi kerak;
• 2 yoshgacha boʻlgan bolalar — 5 kg dan (115 sm).

Bepul bagaj haqida maʼlumotni aviakompaniyaning www.uzairways.com rasmiy veb-saytining “Maʼlumot” boʻlimida olish mumkin.

“Uzbekistan Airways Express” — Moskva, Rostov-na-Donu, Krasnodar, Mineralniye Vodi, Novosibirsk, Qozon, Sochi, Yekaterinburg, Aktau va Aqto‘bega sayohat qilishning arzon varianti. Ushbu reyslar uchun chipta narxlari bortda koʻrsatiladigan xizmatlar kamligi sababli 20 foizga arzonlashtirilgan.