Toshkent hayvonot bogʻidagi "Primatlar" boʻlimi vaqtincha yopildi
E’lon qilingan sana: · 106
Toshkent hayvonot bogʻining “Primatlar” boʻlimi ta’mirlash ishlari olib borilishi sababli vaqtincha yopildi. Bu haqda bog' ma’muriyati xabar berdi.
Ta’mirlash ishlari 1−1,5 oyga choʻziladi.
“Toshkent hayvonot bog‘ining „Primatlar“ bo‘limi Toshkent hayvonot bog‘i jonivorlari yashash sharoitlarini hamda siz aziz mehmonlarimiz uchun yaxshilashga qaratilgan ta’mirlash ishlarini olib borish maqsadida 1−1,5 oyga vaqtincha yopildi!”, deyiladi xabarda.
Ta’kidlanishicha, bu boshqa boʻlimlarga ta’sir oʻtkazmaydi, ular odatdagidek ishlashda davom etadi.
Avvalroq hayvonot bogʻining ish vaqti uzaytirilgani, endi u 8:00 dan 20:30 gacha ishlayotgani haqida xabar berilgandi.