Afsonaviy "Boyka" Toshkentdagi ringda (foto,video)

27-aprel kuni CAEx Uzbekistan koʻrgazmalar zalida Skot Edkins va jahon darajasidagi bokschilar ishtirokida sportdagi professional yoʻllar haqida ochiq ma’ruza boʻlib oʻtdi.

Tadbirda rossiyalik professional bokschi Sergey Kovalyov soʻzga chiqdi. Kovalyov kuchli zarbalari bilan tanilgan va boks boʻyicha yengil vazn toifasida sobiq WBO, IBF va WBA chempioni hisoblanadi. U oʻzining sportga kirib kelishi va oʻtkazgan janglari haqida hikoya qildi.

Bundan tashqari, oʻzbekistonlik professional bokchilar Isroil Madamirov va Murodjon Ahmadaliyev ham sahnaga taklif etildi.

Ular jangga tayyorgarlik koʻrish jarayonlari, undan keyingi dam olish va mashgʻulotlar haqida soʻzladi. Shuningdek, yoshlarga oʻz maslahatlarini berdi.

Shou soʻngida britaniyalik aktyor va jang san’ati ustasi, “Chegarasiz”, “Boyka” va “Ninza” kabi filmlardagi rollari bilan mashhur boʻlgan Skot Edkins ham soʻzga chiqib, yoshlarga motivatsiya berdi.

Tadbir davomida repperlar Konsta va Shohruh ham qoʻshiq kuyladi.

Ushbu tadbirdan tayyorlangan reportajning to‘liq variantini Afisha.uzning YouTube’dagi sahifasida tomosha qilishingiz mumkin: