Bayram arafasida Toshkentdan Samarqandga qo‘shimcha “Afrosiyob” harakati yo‘lga qo‘yildi

Ramazon hayiti munosabati bilan “Samarqand — Toshkent — Samarqand” yo‘nalishida qo‘shimcha yo‘lovchi poyezdlar harakati yo‘lga qo‘yildi, deya xabar bermoqda “O‘ztemiryo‘lovchi” AJ axborot xizmati.

Ta’kidlanishicha, mazkur poyezdlar 2024-yilning 10, 11, 12, 13-aprel kunlari quyidagi jadval asosida harakatlanadi:

775-sonli “Samarqand — Toshkent” yo‘nalishi:

• Samarqand 11:11 — Toshkent 13:26.

776-sonli “Toshkent — Samarqand” yo‘nalishi:

• Toshkent 13:51 — Samarqand 16:05.

Ushbu poyezdlar va boshqa yo‘nalishlarga chiptalarni temir yo‘l chiptaxonalari va kompaniya vebsayti orqali xarid qilish mumkin.