Bayram kunlari Toshkent metrosi qay tartibda ishlashi ma’lum qilindi

“Toshkent metropoliteni” DUK axborot xizmati metro bayram kunlari qay tartibdi ishlashini ma’lum qildi.

Unga ko‘ra, 2023-yil 31-dekabr, yakshanba — dam olish kunida metro poyezdlari harakati doimiy jadval asosida ish faoliyatini olib boradi. Ish vaqtining tugashi esa 1 soatga uzaytiriladi. Ya’ni barcha metro bekatlari 31-dekabr soat 05:00 dan 1-yanvar soat 01:00 gacha yo‘lovchilarga xizmat ko‘rsatadi.

Shuningdek, qo‘shimcha dam olish kunlarida (2023-yil 30-dekabr, 2024-yil 1−2-yanvar) metro poyezdlari yakshanba kuni uchun tasdiqlangan jadval asosida, soat 05:00 dan 00:00 gacha harakatlanadi.

Avvalroq bayram kunlari Toshkentda avtobuslar qisqartirilgan jadval asosida harakatlanishi haqida xabar berilgandi.