25-dekabrdan Yunusobod va Turkiston metro bekatlari faoliyati tiklandi
E’lon qilingan sana: · 1 500
Shu yilning 25-dekabrdan boshlab Toshkent metrosining Yunusobod yo‘nalishidagi “Yunusobod” va “Turkiston” bekatlari qayta ochildi, deya xabar bermoqda tashkilot matbuot xizmati.
Uning yopilishiga rejali profilaktik ishlar sabab qilib ko‘rsatilgandi. Ushbu ishlar roppa-rosa 4 oy davom etdi.
25-dekabrdan bekatlar ish faoliyati soat 05:00dan 00:00gacha doimiy reja asosida yo‘lga qo‘yiladi.
Amalga oshirilgan ishlar natijasida, yo‘nalishda harakatlanuvchi poyezdlar oraliq vaqt intervali tig‘iz vaqtlarda 10 daqiqadan 4 daqiqagacha qisqartiriladi. Kelgusida bu ko‘rsatkich yanada qisqartirilib, 2 daqiqaga yetkazish rejalashtirilgan, deyiladi xabarda.