Hafta o‘rtasida yomg‘ir yog‘ishi kutilmoqda

O‘zgidromet`ning xabar berishicha, 8-noyabrda O‘zbekiston hududiga nam va sovuq havo massasi kirib kelishi boshlanadi.

Dushanba, seshanba kunlari O‘zbekiston hududi iliq va biroz nam havo massalari ta’siri ostida bo‘ladi.

Respublika hududining katta qismida yog‘ingarchiliksiz ob-havo saqlanib turadi, faqat Buxoro, Navoiy, Qashqadaryo, Surxondaryo viloyatlarida bugun kunduzi ba’zi joylarda biroz yomg‘ir yog‘ishi mumkin. Havo harorati +19…+24 daraja atrofida bo‘ladi. Hafta o‘rtasida havo o‘zgaradi.

Toshkent shahrida 6−7-noyabr kunlari havo o‘zgarib turadi, yog‘ingarchilik kutilmaydi. Harorat +20…+23 daraja iliq bo‘ladi. 8-noyabrda kunning ikkinchi yarmida yomg‘ir yog‘adi. 9-noyabrda kechasi va ertalab yomg‘ir yog‘adi, kunduzi yog‘ingarchilik kutilmaydi. Bu kunlarda harorat +14…+16 darajagacha asta-sekin pasayadi.

10-noyabrda yog‘ingarchilik kutilmaydi. Harorat +16…+18 daraja bo‘ladi, kechasi +3…+6 darajagacha pasayadi.