Dam olish kunlari yog'ingarchiliklar bo'lmaydi
E’lon qilingan sana: · 459
![Dam olish kunlari yog'ingarchiliklar bo'lmaydi](/uploads/media/2023/10/4ca12351e13245fbf72638d554969230_l.jpg)
O‘zgidromet`ning xabar berishicha, juma kuni O‘zbekistonda yog‘ingarchiliksiz o‘tadi, faqat tog‘li hududlarning ayrim qismida kunning birinchi yarmida yomg‘ir yog‘ishi mumkin. Havo harorati +20…+25 daraja iliq bo‘ladi.
Dam olish kunlari mamlakat bo‘ylab havo biroz bulutli bo‘ladi, yog‘ingarchilik bo‘lmaydi. Havo harorati asta-sekin ko‘tarilib, yakshanba kuni kunduzi havo +26…+29 darajagacha isiydi.
30-oktabr, dushanba kuni ham mamlakat bo‘ylab xuddi shunday quruq va iliq ob-havo davom etadi.
Toshkentda 27−29-oktabr kunlari yog‘ingarchilik bo‘lmaydi. Juma kuni havo harorati kunduzi +22…+24 daraja, shanba kuni +24…+26 daraja, yakshanba kuni esa +26…+28 darajagacha isiydi. Kechasi harorat +9…+12 darajagacha bo‘lishi kutilmoqda.