Toshkent metrosining yerusti yo‘nalishidagi 3 ta bekat vaqtinchalik yopiladi
E’lon qilingan sana: · 1 123
Toshkent metropolitenining Tolariq (10-bekat), Xonobod (11-bekat) va Quruvchilar (12-bekat) bekatlari 3−5-noyabr kunlari yopiladi.
Mazkur bekatlar “Yer usti halqa yo‘li” yo‘nalishining II bosqichidagi Quruvchilar dahasidan Sergeli mavzesigacha bo‘lgan Turon (13-bekat) va Qipchoq (14-bekat) metro bekatlarida qurilish ishlarining so‘ngi bosqichi amalga oshirilayotgani sabab vaqtinchalik xizmat ko‘rsatmaydi.
3−5-noyabr kunlari Turon va Qipchoq bekatlarini yo‘nalishdagi mavjud bekatlar bilan texnik jihatdan o‘zaro bog‘lash ishlari olib boriladi.
“Qiyot” (9-bekat) — “Quruvchilar” (12-bekat) bekatlari oralig‘ida bepul xizmat ko‘rsatuvchi qo‘shimcha avtobuslar harakati yo‘lga qo‘yiladi.