Toshkentdagi Istirohat ko‘chasining bir qismi vaqtinchalik yopiladi

Uchtepa tumanidagi Istirohat ko‘chasining bir qismi vaqtinchalik yopiladi. Bu haqda Toshkent shahar hokimligi matbuot xizmati xabar berdi.

Ma’lum qilinishicha, Toshkent shahrida yog‘ingarchiliklar oqibatida hududlarda suv to‘planib qolishining oldini olish maqsadida drenaj tizimlarini reja asosida yangilash va ta’mirlash ko‘zda tutilgan.

Shu ishlar doirasida, Uchtepa tumanida joylashgan Istirohat ko‘chasining Istirohat 2-tor ko’chasi bilan kesishmasidan (Istirohat chorrahasi) Kichik halqa avtomobil yo‘ligacha bo‘lgan qismi 12-sentabrdan 17-sentabrgacha qisman yopiladi.

Harakat yo‘lning bir tomonidan har ikki yo‘nalishda amalga oshiriladi.