«Декодирование» koʻrgazmasi

O‘zbekiston tasviriy san’at galereyasida “Декодирование” ko‘rgazmasi bo‘lib o‘tadi.

“Декодирование” video-art ko‘rgazmasida vizual tasvirlar, harakat va ovoz yangi ma’nolar va reallik talqinlarini ochib berish uchun o‘zaro chambarchas bog‘langan.

Video-art zamonaviy jahon san’atining yo‘nalishlaridan biridir. U 1960-yillarda Yevropa va AQShda paydo bo‘lgan, O‘zbekistonda esa video-artning shakllanishi va rivojlanishi 2000-yillardan boshlangan va zamonaviy san’at platformalari orqali ilgari surilgan.

Ko‘rgazmada S. Ismoilova, L. Dabija, M. Riskiyev, R. Zohidov, I. Eshonqulov, A. Korniyenko kabi rassomlarning turli mavzudagi video loyihalari namoyish etiladi. Ushbu ko‘rgazma zamonaviy san’at va media texnologiyalarning sintezini ko‘rsatuvchi loyihalardan biri bo‘ladi.

Ochilish marosimi 26-fevral kuni soat 17:00da bo‘lib o‘tadi.

Ko‘rgazma ish vaqti: seshanba kunidan shanba kunigacha soat 10:00 dan 17:00 gacha (yakshanba, dushanba — dam olish kunlari).

Chipta narxlari:

• chet ellik mehmonlar uchun — 50 000 so‘m;
• mahalliy aholi uchun — 10 000 so‘m.